ÅRETS LOKALLAG I VESTLAND: Rolf Olav Gjørven og Hans Olav Nesheim frå Oppstryn Bondelag tok stolt imot den gjeve prisen. Gåva var ein sjekk på 10 000 kroner. 

 

Juryen grunngjev tildelinga av årets lokallag i Vestland slik:

Årets lokallag i Vestland Bondelag har hatt god aktivitet gjennom året.

Laget har levert innspel til jordbruksforhandlingane, og er flinke til å delta på møter i regi av fylkeslaget.  I tillegg svarar dei på høyringar, har god kontakt med kommune/næringsliv, arrangerer kurs og skapar sosiale møteplassar.

Gjennom 2024 arrangerte dei mellom anna kurs i beskjæring av frukttre saman med Bygdekvinnelaget. Dei skipa til Bondepub med faginnlegg om klimakalkulatoren og dei deltok på vårryddeaksjonen til kommunen. (Stål og landbruksplastinnsamling).

Laget arrangerte i 2024 Open Gard, det vart ein stor suksess.  Arrangementet kombinerte dei med ei fjøsopning. Dette til stor glede for publikum.

På våren i fjor planla dei/arrangerte storskala open brannøving saman med andre aktørar. Dette fekk stor merksemd, og øvinga vart filma.

Laget held til i Nordfjord, og saman med dei andre faglaga i Stryn og Hornindal, medverka dei til julebord i desember.

Dei er aktive i sosiale media, og hadde fleire presseoppslag gjennom 2024.  Dei synleggjer Bondelaget på ein strålande måte, som det står det stor respekt av!

Prisen som årets lokallag i Vestland Bondelag går til Oppstryn Bondelag.

 

Vestland Bondelag gratulerer!