Ekstremver i Jølster og Gloppen
Tysdag ettermiddag var det brått slutt på godvêrsperioden for delar av Jølster og Gloppen kommune. Ekstreme, lokale nedbørsmengder på kort tid førte til fleire ras og elvar som fann nye løp ned fjellsidene. Onsdag føremiddag er framleis fleire vegar stengde, bygder isolerte og mange sit utan straum og dekning slik at dei ikkje får kontakt med familie og vener.