Nyttårshelsing frå Telemark Bondelag
Vi må og i året som ligg føre oss brette opp ermane og jobbe for enda betre rammevilkår for næringa! Les heile nyttårshelsinga frå leiar, Aslak Snarteland.
Gode kollegaer og bondevener!
Vi skriv snart historie for året 2022.
Eit svært innhaldsrikt år er snart over. Eg nemner: Krig i Ukraina og svært uroleg marknad, Noreg opnar opp att etter koronastenging, tidenes kostnadshopp , tidenes jordbruksoppgjer med rekordstort framforhandla resultat, «Grytten-utvalets» framlagte rapport over inntektsmåling i jordbruket og mykje meir.
For ikkje å gløyme eit vekstår i jordbruket med svært gode avlingar på korn og grønsaker, men noko meir variera i fylket for gras og beite.
Eg føler meg stolt som kan være leiar for Telemark Bondelag att ved årskiftet 2022/2023.
Det fyrste Vi nå skal ta tak i på nyåret er studiearbeidet og innspel til vårens jordbruksforhandlingar, vi er nå svært utolmodige med å få på plass ein forpliktande opptrappingsplan for jamstilling av jordbruksinntekt opp mot andre grupper i samfunnet.
Regjering og Stortinget har vedteke at dette skal skje og no krev vi handling. Høyringa på nemnde «Grytten-rapport», legg styret i Noregs Bondelag seiste hand på verket i neste månad og sender den vidare til Regjeringa og Stortinget i midten av januar 2023. Den vidare handsaminga kan nok ta lenger tid enn vi likar, og vi må nok rekne med å bruke eksisterande talmateriale til dei komande jordbruksforhandlingar neste år. Landbruksminister Sandra Borch har vore tydeleg på at dette ikkje er til hinder for å vidare gjere jobben med å tette inntektsgapet i jordbruket. Her må vi berre gje gass framover og syte for hopp mot ei inntekt på linje med andre grupper.
Eg vil få takke for eit stort engasjement hjå dykk alle i organisasjonen Telemark Bondelag, - einskildmedlemmer, lokallag, fylkesstyret og tilsette, - saman er vi gode!
Vi har også i år levert verdas beste mat. Regjeringa har levert tidenes jordbruksoppgjer, men det er langt att til jamstilling på inntekt. Vi må og i året som ligg føre oss brette opp ermane og jobbe for enda betre rammevilkår for næringa!
Beste helsing og godt nytt år
Aslak Snarteland