Oddvin Haugland har gått bort
Det er med stor sorg vi fekk meldinga om at tilsett ved Sogn og Fjordane Bondelag sitt kontor, Oddvin Haugland døydde måndag kveld. Oddvin var ein lojal og dyktig medarbeidar med eit langt yrkesliv i Norges Bondelag. Våre tankar går til Herdis og resten av familien.
Oddvin sin brå bortgang etterlet seg eit stort tomrom ved fylkeskontoret til Sogn og Fjordane Bondelag. Oddvin ville fylt 67 år i juni. Han har arbeidd i Norges Bondelag sidan 1979.
