Leitar etter årets Askeladd
Fristen for å søke på Askeladdprisen 2012 er sett til 7. mai. Du treng ikkje å ha kappete med troll eller målbundet prinsesser for å søke: Vi leitar etter ungdom som veit å bruke sine kreative sider og som ikkje let seg stoppe. Alle kan foreslå kandidater til prisen og kandidatane kan føreslå seg sjølv.
Askeladdprisen blir delt ut på årsmøtet til Norges Bondelag i juni. Juryen består av to representanter fra Norges Bondelag, to frå Landkreditt og ein frå Norges Bygdeungdomslag. Prisen kan bli gitt til ungdom opptil 35 år som er i ferd med, eller har etablert ny næringsverksemd på bygdene. Det må synast kreativitet og pågangsmot og verksemda må medverke til å skape nye arbeidsplassar i lokalsamfunnet. Askeladdprisen er eit samarbeid mellom Norges Bondelag og Landkreditt, og vert delt ut til unge etablerarar på bygdene. Prisen er på 30.000 kroner og vert delt ut den 13. juni på Lillehammer under Norges Bondelag sitt årsmøte.
Mellom tidlegare prisvinnarar finn vi Moods of Norway med sitt utspring frå Stryn, som fekk prisen i 2005.
