Klar for verveveke
Fyrste veka i november skal Sogn og Fjordane Bondelag ha verveveke.
- No skal me invitere mange til å vera med i Bondelaget, fortel Anita Sæther.
Ho er rådgjevar på Bondelaget sitt kontor i Førde. I fylgje Sæther er planen at kvart lokallag skal spele inn tre ulike namn, som skal vervast til organisasjonen.
Har de gjort dette før?
- Nei, det er nytt at me skal satse på ei bestemt veke.
Forventningar
- Eg har store forventningar.
Kor mange nye medlemmer skal til for at du er nøgd?
- 50. Då er det litt over ein per lokallag og det er ein bra start, avsluttar Sæther.