Andrè Espeseth held fram ved roret i Flora Bondelag
Flora Bondelag heldt årsmøte torsdag kveld, og Andrè Espeseth vart attvald som leiar i laget.
Den unge lokallagsleiaren frå Askrova har vore med i styret i Flora Bondelag i fire år, og har hatt leiarvervet dei siste to åra. Torsdags kveld vart han einstemmig valt til å leie laget vidare det komande året. Med seg frå det "gamle" styret har han Leidulf B. Stavø, Herborg R. Melvær, Harry Aldeholm og varamedlem Hjørdis Svortevik. Øyvind Mjønerud frå Standalen vart valt inn i styret for to år, og Hallvar Espeseth frå Askrova vart valt inn som varamedlem for eit år.
Dag Magne Knapstad og Randi Rønnekleiv Melvær ønskte ikkje å ta attval, og Espeseth nytta høvet til å takke dei for innsatsen dei har gjort for Flora Bondelag.
Flora Bondelag skal det komande året jobbe med medlemsverving, politikarkontakt, jordbruksforhandlingar og Open Gard.
