18. oktober er den store årsmøtedagen
Publisert
Bjerkreim bondelag opna årsmøtesesongen med sitt årsmøte 3. oktober.
Heile sju lokallag i Rogaland har invitert til årsmøte same dag.
Det meste som kan krype og gå i styret og administrasjonen i Rogaland bondelag skal ut på besøk til ulike årsmøte onsdag 18. oktober. Heile sju lokallag har lagt sine årsmøte til akkurat denne dagen.
Desse lokallaga er Sandnes, Klepp, Bore, Strand, Fogn, Sandeid og Vats.
- Årsmøta er der du kan påverka lokallagsarbeidet, seier leiar i Rogaland bondelag, Marit Epletveit.
Ho håpar mange finn vegen til årsmøtet i sitt lokallag.
- Fylkesstyret ønskjer å delta på alle møter, så langt det lar seg gjera, for å ta signala frå lokallaga, legg Epletveit til og ønskjer lukke til med årsmøta.
