Utsett i tolvte time

Av Inger Johanne Sæterbakk,
  • Tips en venn om denne siden

Næringskomiteen skulle i dag avgje si innstilling til jordbruksmeldinga. No er heile stortingsbehandlinga lagt til midt under jordbruksforhandlingane. – Unødvendig, meiner Norges Bondelag.

Fakta om jordbruksmeldinga
- Regjeringas jordbruksmelding vart lagt fram 9. desember.
- Innstillinga frå næringskomiteen skulle vere klar til 23. mars.
- Stortingsbehandlinga var planlagt til 28. mars.
- Innstillinga er utsett til 6. april og stortingsbehandlinga til 25. april
- Årets jordbruksoppgjer startar 26. april

- Regjeringa har gjort denne prosessen unødvendig komplisert. Alt har vore kjent sidan meldinga vart lagt fram 9. desember og det burde ha vore mogleg å bli einige før, seier generalsekretær i Norge Bondelag, Per Skorge.

Det har lengje vore varsla at næringskomiteen på Stortinget skulle komme med si innstilling til jordbruksmeldinga i dag, og at saka skulle opp til behandling i Stortinget tysdag 28. mars. Men i dag tidleg kom beskjeden om at innstillinga er utsett, fordi regjeringspartia Høgre og FrP ifølgje Nationen vil forhandle vidare med samarbeidspartia Venstre og KrF. Det er varsla at innstillinga vil komme 6. april.

- Lite tilfredsstillande situasjon

- Politikarane har skapt forventningar om at vi skulle få svar i dag og ei avklaring i Stortinget i god tid før jordbruksoppgjeret. No får vi ein lite tilfredsstillande situasjon der Stortinget skal behandle jordbruksmeldinga 25. april, som er dagen før jordbruket skal levere vårt krav til årets jordbruksavtale, seier Per Skorge.

Han legg ikkje skjul på at han er skuffa over regjeringspartia si rolle i prosessen.

- Regjeringa har møtt sterk motstand for innhaldet i denne meldinga i fleire månader. Men sjølv ikkje i tolvte time vil dei innsjå at fleirtalet på Stortinget ønsker ein annan landbrukspolitikk. Eg er likevel optimistisk for at næringskomiteen vil levere ei innstilling som legg til rette for landbruk i heile landet, auka norsk matproduksjon og føreseielege rammevilkår for bonden, seier Skorge.

Forventningar til støttepartia

- Eg har store forventningar til at KrF og Venstre vil bidra til å skape fleirtal for dei gode løysingane, i lag med opposisjonspartia.

Fram til no er det dei ulike partia sine medlemmar i næringskomiteen som har forhandla om innstillinga til jordbruksmeldinga. I dag vart det varsla at dei parlamentariske leiarane i Høgre og FrP samt partileiarane i Venstre og KrF no tar over forhandlingane, ifølgje Nationen.

- Det er utruleg viktig for næringa at Stortinget no landar denne saka på ein god måte. Landbruket har vore i høgspenn sidan regjeringa la fram meldinga 9. desember, ei melding som angrip næringa vår frå alle kantar. Eg er overraska og skuffa over at innstillinga ikkje kjem som varsla, avsluttar generalsekretær Per Skorge i Norges Bondelag.

Fakta og følelser om rovdyr

Syns du rovdyrsituasjonen kan være en kompleks og forvirrende sak? Vi har snakket med Erling-Aas eng, rovdyransvarlig i Norges Bondelag for å få litt mer oversikt.

Pelsdyr: Får full erstatning

Norges Bondelag og flere andre har arbeidet intenst for å få regjeringen til å skifte mening så de berørte bøndene skal få en rettferdig erstatning. Tirsdag kom avgjørelsen.

Viktig med riktige kutt for norsk jordbruk

-Vi skal kutte utslipp og tar oppgaven på alvor. Samtidig er jeg bekymret for konsekvensene de foreslåtte kuttene kan få, ikke bare for jordbruket, men for landet vårt, sier Lars Petter Bartnes, leder i Norges Bondelag.

Valgnemnda er i gang

Styreleder og 2. nestleder i styret til Norges Bondelag stiller seg ikke til disposisjon for en ny periode. Valgnemnda jobber med å finne gode kandidater til styret.

Ulveavgjørelsen må ankes

I dag kom dommen fra Borgarting Lagmannsrett i saken der WWF gikk til sak mot staten fordi de mener norsk ulveforvaltning er ulovlig. Lagmannsretten kom til at vedtak om uttak av streifulv var gyldig. Lisensfellingsvedtaket på Osdalen og Julussa var derimot ugyldig.

Dette skjer i Norges Bondelag

Onsdag
04
mars

AU-møte

Landbrukets hus
Torsdag
05
mars

Fylkesårsmøte i Sogn og Fjordane

Skei Hotell
Fredag
06
mars

Fylkesårsmøte i Møre og Romsdal

Våre samarbeidspartnere