Generalsekretæren i Bondelaget: - Sterkt å sjå skadane

Publisert 12.11.2019
  • Tips en venn om denne siden

- Ein forstår kor sterke naturkreftene er, seier generalsekretær Sigrid Hjørnegård etter rundturen hos ekstremvêrråka bønder i Sogn og Fjordane. Ho krev eit enklare system for naturskadeerstatning.

 

FRÅ VENSTRE: Sigrid Hjørnegård, Anders Felde, Jan Steig og Andreas Wiese. 

 

- Det gjorde veldig inntrykk å sjå det på nært hald. Både skadane som flaumen førte med seg i Luster, og dei mange rasa i sommar, seier Hjørnegård etter å ha møtt uvêrsråka bønder i fylket.

 

- Regelverket må ta omsyn til tøffare vêr i framtida

STERKE INNTRYKK: Sigrid Hjørnegård på synfaring i Fortunsdalen i Luster kommune. 

 

Generalsekretæren i Norges Bondelag hadde følgje av mellom anna organisasjonssjef Merete Støfring frå Sogn og Fjordane Bondelag, fylkesleiar Anders Felde, representantar frå NVE og kommunane på rundturen. Under turen  møtte dei frustrerte bønder som fortvilt etterlyser betre ordningar når skadane etter ekstremvêr skal ryddast opp.

- Det er openbert at regelverket må endrast for å møte framtidige utfordringar, fastslår Hjørnegård.

For historia verkar å gjenta seg frå grend til grend. Grunneigarane opplever at dei på mange område blir overlat til seg sjølve når uvêret er forbi og kvardagen skal takast tilbake. Lista over gjeremål blir lang. Papirmølla endelaus. Det er takstmenn, forsikringsselskap, naturskadeerstatning, flaum- og rassikring, vegar som må byggast opp att, vassforsyning og anna infrastruktur, og innmark som ser ut som månelandskap.

Generalsekretæren er klar på at systemet må ta omsyn til at bøndene er i ein særs vanskeleg situasjon, og at arbeidet med å rydde opp etter naturskadar er krevjande. Dei ulike erstatningsordningane bøndene må forhalda seg til etter naturskadar må ta høgde for at risikoen for ekstremvêr aukar.

- Desse episodane med ekstremvêr kjem raskare og raskare. Me kan ikkje ha det slik det har vore. Me må ruste oss betre mot auka belastning framover, og det må erstatningane bidra til.

 

Frustrasjon, men likevel framtidstru

FRÅ VENSTRE: Andreas Wiese, Sigrid Hjørnegård og Arne Rebni Øvreås. 

 

Med seg i delegasjonen til fylket hadde Hjørnegård også bondelags-jurist Aina Bratlie. For administrasjonen sentralt var det viktig å få høyre om erfaringane bønder har gjort seg i møte med erstatningsapparatet siste tida.

- Me snakka om alt rundt naturskadeordninga. Økonomisk trenge me ei naturskadeordning som i tillegg til å ivareta oppattretting etter ein naturskade, også kan bidra med midlar til å sikre mot at det same skjer igjen. I tillegg høyrde me om dei personlege opplevingane. Me høyrde korleis det påverkar menneska å leve med risikoen til dagleg. Mellom anna i Jølster var ordføraren med å snakka om auka trykk på hjelpeapparatet etter i sommar.  Det gjorde inntrykk. I tillegg til dei konkrete skadane møter me bøndene som har framtidstru. Dei brettar opp ermene og bygger opp att.

Bondelaget sin øvste administrative leiar meiner det er viktig å komme ut og sjå med sjølvsyn korleis bøndene blir råka av ekstremvêr.

- Det er heilt avgjerande for å kunne gjere ein god jobb for norske bønder. Ein får høyre sterke historier. Dei er utsette for opplevingar du nesten ikkje kan sjå føre deg. Men trass påkjenningane dei bær med seg, er det kombinert med ei klokketru på at det er liv laga. Eg skal gjere mitt for at det er mogleg også framover, fastslår Sigrid Hjørnegård.

 

 

 

Fakkeltog og folkemøte mot regjeringas rovdyrforvaltning

Nyttårsaften overprøvde regjeringa rovviltnemndenes beslutning om å ta ut tre ulveflokker i ulvesona. Denne overkjøringa av rovviltnemdene må ta slutt, og Stortingets vedtak må følges! Den 22. januar sees vi på Bjørkelangen.

Grüne Woche (IGW) 2020: Rekruttering på dagsorden

BERLIN: Hvordan få flere unge til å velge en fremtid innen mat- og restaurantbransjen, og hvem vinner BU-prisen 2020? Det er noe av det som står på programmet i forbindelse med åpningen av IGW i Berlin.

Rekordmange påmeldte Øko2020

Norges første økologiske kongress har over 375 påmeldte. -Vi merker at stadig flere, spesielt unge, er opptatt av hvordan maten produseres, kortreist mat og økologisk landbruk, sier Lars Petter Bartnes, leder i Norges Bondelag.

Landbrukspodden Panengstuen

Landbrukspodden om framtida for Nortura

De siste årene har vært preget av svake resultater for Nortura. Høsten 2019 fikk samvirket ny sjef, og vi lurer på hva hun skal gjøre for å snu skuta?

Meld deg på Øko2020!

Hvordan kan landbruket bidra til en mer klimavennlig og bærekraftig framtid? Dette blir et sentralt spørsmål under den nasjonale kongressen om økologisk landbruk 21. og 22.januar.

Dette skjer i Norges Bondelag

Onsdag
22
april

Styremøte

Landbrukets hus
Tirsdag
26
mai

Styremøte

Landbrukets hus
Tirsdag
26
mai

Styremøte i BS (telefonstyremøte)

Landbrukets hus

Våre samarbeidspartnere