Fersk leiar med sterk historie

Av Jorunn Erga Steinsland,
  • Tips en venn om denne siden

Guro Steinberg har ei sterk historie. Litt av historia fortel ho med det tatoverte auget på høgreanda.
Guro Steinberg har ei sterk historie. Litt av historia fortel ho med det tatoverte auget på høgreanda.

Guro vart overvelda då ho som 18-åring kom inn i landbruket. Sju år seinare er ho nyvald leiar i Lund Bondelag.

- Organisasjonsarbeid er noko som interesserer meg. Det er gøy og sosialt å vera med i bondelaget, slår den nyvalde leiaren fast.

 

Falt for både mannen og landbruket

Ektemannen tok over garden allereie i 2005. I 2010 kom Guro til gards. Ho er oppvaksen i Vaksdal, mellom Voss og Bergen, midt i eit byggjefelt.

- Eg vart heilt fasinert av landbruket. Dei som ikkje kjenner landbruket frå innsida går i butikken og ser mjølka og kjøtet. Dei ser sluttproduktet, men ikkje alt arbeidet med å gjødsle, slå, ha dyr på beite, fôre og mjølke. Det var rett og slett til overveldande for meg. Eg hadde ikkje tenkt over alt arbeidet som ligg bak eit kilo kjøt, seier Guro ærleg.

Ho omfamna bondeyrket. Ho likte fridomen og det å jobba tett på dyr.

- Eg falt ikkje bare for mannen, men for landbruket òg, smiler 25-åringen.

Fødd med kreft

Ekteparet i den hundre år gamle bustaden på Steinberg i Lund har ei historie litt utanom det vanlege. Dei to møttest nemleg på ei helsereise for ungdom med kreft. Då var dei begge kreftfrie. Guro var bare 17 år. Hans åtte år eldre. Det vart ikkje søt musikk mellom dei to då, men framtida hadde noko i vente.

- Eit halvt år etter døydde ein av dei som hadde vore på denne turen. Då begynte med å snakka saman og så balla det bare på seg.

Ho smiler frå sofaen heime i stova. På veggen heng eit bilete av to små jenter. Midtpunktet i familien, men det var langt frå sjølvsagt at det skulle hengja barneklede på knaggane i gangen på Steinberg. Guro er fødd med arveleg netthinnekreft. Tre gonger har ho hatt kreft. Fyrste gong som baby, andre gong som 7-åring og siste gong som 11-åring. Ho ville gjera alt for at ungane skulle sleppa å oppleva det same. Derfor gjekk det unge paret gjennom prøverørsbehandling og gentesting av egga for å sikra at ungane skulle sleppa ein barndom med kreft. På siste forsøket lukkast dei. Tvillingjentene på tre og eit halvt år er heilt friske.

- Eg er utruleg takksam for at me fekk dei. Dei er min største motivasjon, seier tvillingmora.

Guro liker å vektleggja det positive i livet mest.

- Hadde eg ikkje hatt kreft, hadde eg aldri møtt Hans, slår ho fast.

 

Måtte fjerna auge

Etter behandling som baby, vart Guro friskmeld, men kreften kom tilbake. Som 11-åring fekk ho sitt andre tilbakefall. Kreften sat ikkje i auge, men for å koma til svulsten måtte høgre auge fjernast. Det har vore ei stor sorg – ei sorg som i starten fekk lite merksemd.

- Eg var så fokusert på at eg var heldig som overlevde. Det var jo bare eit auge.

Ho dveler litt med orda. Fortel at sjansen for at prognosane ho fekk den gongen som 11-åring ikkje var gode. Guro var på rett side av statistikken, men behandlingane var svært tøffe for kroppen. Guro opplevde å slita på skulen. Ho var mykje trøtt og sliten. Men ho var jo frisk, var ho ikkje? I seinare tid har det blitt vanlegare å ikkje bruka ordet «frisk», men «kreftfri» og seinskadar er blitt eit ord i vokabulæret når ein snakkar om kreft.

- Eg har blitt kalla lat sidan eg ser frisk ut. Men eg er ikkje lat. Eg har hatt kreft, slår 25-åringen fast.

Med cellegifta har Guro mista luktesansen og mykje av smakssansen.

- Eg smakar til dømes ikkje kanel. Ikkje i det heile tatt. Andre ting hugsar eg korleis luktar, til dømes abc-kjeks. Det fekk eg alltid etter cellegiftbehandlinga som liten. 

Handa strekkjer seg etter kaffikoppen og viser fram eit tatovert auge ved høgre tommel. Faren har eit akkurat likt, på si høgre hand. Han har også operert vekk eit auge. Både han og systera til Guro har genet som kan gi kreft.

Ungane er drivkrafta

Guro legg ikkje skjul på at livet ikkje alltid er ein dans på roser. Ho er arbeidsufør grunna seinskadene etter fleire rundar kreftbehandling. Men det å bu på gard og få vera med der ho klarer - det å få ta dagane litt som dei kjem og ha mulegheit til å ta omsyn til eiga dagsform, gir ein livskvalitet ho er takksam for. Ho trivst på garden og meiner det å ha kontakt med dyr er helsebringande i seg sjølv.

- Men eg grin litt kvar gong me må senda nokon til slakt, innrømmer ho.

Ho er med så mykje ho klarer på garden og kviler når ho treng det når jentene er i barnehagen. Det er dei to undera på 3,5 år som er drivkrafta til Guro. I tillegg har ekteparet to hundar, ein katt og ni høner.

Ho liker kvardagen sin som bondekone, tvillingmor og bondelagsleiar.

- Eg er nok ei klassisk bondekjerring, seier ho og ler godt.

 

Utviding

Garden på Steinberg i Lund har samla 210.000 i eiga og leigd mjølkekvote. Eit nytt robotfjos er under planlegging. Men fjoset frå 1946 skal nyttast også i framtida, då til ungkyr og som sjukebinge. Bygginga av påbygget skal starta allereie i 2018.

- Me skal leiga meir kvote og denne er ikkje ledig før 2020, men me satsar på å auka litt etter litt og auka bestanden sjølv, fortel Guro, som tykkjer det er både spanande og litt skummelt med utviding.

 

Eit aktivt lag

Guro har vore aktiv i Lund bondelag sidan 2015, i starten som nestleiar.

- Det har vore ei kjekk erfaring og ein kjekk aktivitet. Mannen min har vore aktiv før, så nå tenkte eg at det gjerne var min tur å prøva. Det er ein enkel måte å involvera seg, meiner ho Guro fortel om eit aktivt lag med fleire sosiale aktivitetar. Dei er også aktive på stand på lokale festivalar. Lund bondelag hadde i starten av november 89 medlemmar.

- Målet er å nå 100 før utgangen av året, slår den ferske leiaren fast.

Ho er klar på at ho absolutt ikkje skal gjera alt arbeidet aleine.

- Eg har eit fantastisk styre med meg, legg ho til.

Styret i Lund bondelag består av fire menn og ei dame.

- Det er desidert flest menn både i yrket og i organisasjonen. Det er nok færre aktive damer enn før. Mange har jobb utanom, medan mannen driv garden, seier Guro. Ho anbefaler også andre ektefellar til å engasjera seg i bondelaget sjølv om det er ektefellen som har hovudansvaret for drifta.  

Ei av hjartesakene til Guro er å framsnakka landbruket. Ho meiner bøndene får for lite respekt og skryt.

- Me må reklamera endå meir for kva norsk mat eigentleg er. Me må få tydelegare fram den låge antibiotikabruken og kor lite ecoli me har i Norge. Me må rett og slett slå eit slag for den norske maten, avsluttar ho.

Støtter felling innenfor ulvesona

Rovviltnemndene i Hedmark, Oslo, Akershus og Østfold går inn for å ta ut tre revirer innenfor ulvesona under vinterens lisensjakt. – Nemndene tar ansvar og følger opp Stortingets politikk, sier Einar Frogner, rovviltansvarlig i styret i Norges Bondelag.

Kornet tørker bort på Romerike.

For seint for kornet

Årets kornavling kan bli om lag halvparten av det normale, mens mye av graset fortsatt kan berges.

Frokostseminar om Klimasmart Landbruk, 18. juni

Status og fremdrift for Klimasmart Landbruk

Klimasmart Landbruk er næringas viktigste fellessatsing for å redusere klimaavtrykket på norske gårdsbruk. Se opptak fra frokostseminar for å lære mer om prosjektet og videre arbeid fremover.

Nedbygging av matjord

Mindre matjord omdisponert i 2017

Ferske tall fra SSB viser at 4025 dekar dyrka mark matjord ble omdisponert til andre formål enn landbruk i 2017. Dette er en nedgang på nesten 2000 dekar fra i 2016.

Forholdstallet for kvote på kumelk økes fra 0,98 til 0,99

Etter ekstraordinære kvotedrøftinger for kumelk for 2018 mellom Norges Bondelag, Norsk Bonde- og Småbrukarlag og Landbruks-og matdepartementet, ble man enige om å øke forholdstallet for disponibel kvote fra 0,98 til 0,99. Tørke og usikkerhet om fôrsituasjonen spilte inn på beslutningen.

Styret i årsmøtesalen

Nullvisjon for dårleg dyrevelferd

Norges Bondelag godtar ikkje dårleg dyrevelferd og vil ha nullvisjon for dyrevelferdssaker. Det inneber at regelverket på dyrevelferd skal følgjast på alle norske husdyrbruk.

Årsmøte 2018

Se opptak fra Bondetinget 2018

Norges Bondelag sitt årsmøte gikk av stabelen 6. og 7. juni på Lillehammer. Her kan du se opptak fra innledninger og debattene.

Lars Petter Bartnes

Bartnes gjenvalgt som leder i Norges Bondelag

Norges Bondelag samlet til årsmøte på Lillehammer 6. og 7. juni har i dag gjenvalgt Lars Petter Bartnes (49) som leder. Bjørn Gimming er gjenvalgt som 1. nestleder og Frøydis Haugen er gjenvalgt som 2. nestleder for organisasjonen.

Dette skjer i Norges Bondelag

Tirsdag
14
August

Gården som læringsarena i skolen

Auditoriet, Arendal Bibliotek
Tirsdag
14
August

Den store landbruksduellen!

Lille andevinge, Arendal
Onsdag
15
August

Bondepub!

Barrique øl- og vinstue, Arendal

Våre samarbeidspartnere