Prisca Anderson - modellbonde i Malawi

  • Tips en venn om denne siden

Prisca Anderson er modellbonde i Malawi, i Utviklingsfondets prosjekt som blir støtta av Norges Bondelag. Vi skal følgje Prisca og familien hennar i fleire artiklar framover.

Prisca bur ca 75 km nordaust for Lilongwe, i landsbyen Tsavu som ligg i Ntchisi-regionen. Prisca er fødd i 1992, gift med to born. Problem gjorde at ho ikkje kunne gjere ferdig ungdomsskulen, og droppa ut i andre klasse. Ho gifta seg i 2008, 16 år gamal. Prisca har vore modellbonde i Utviklingsfondets prosjekt sidan september 2013. Ho er også medlem i Chikondi spare- og lånegruppe sidan 2013.

Så snart Prica vart gift i 2008 byrja ho å investere i landbruk. – Landsbyen min trudde eg kunne gjere ein god jobb som modellbonde, så dei valde ut meg og nokre andre for å bli trena opp av TAPP (den lokale partnaren til Utviklingsfondet), seier Prisca.

Ho og mannen eig 10 da, i tillegg leiger dei ca 5 da. Leigeprisen for dette stykket, som ho har leigd sidan 2012, er 10.000 kwatcha (150 kr) per sesong. Jorda er brukt til mais (8 da), soya (4 da) og tobakk (2 da).

Eit panoramabilete frå Prisca Anderson sin åker. Vegen går mellom huset og åkeren.

På maisdelen brukte Prisca 1 da til å demonstrere fordelane med samplanting, bruken av planterestar som dekke, og bruk av naturgjødsel i sesongen 2013/2014. Ho seier starten lærde henne nokre viktige ting om korleis ein driv berekraftig landbruk for å få gode resultat.

– I byrjinga brende borna planterestane vi hadde samla på åkrane når dei var ute og leita etter mus, hugsar Prisca.  – I tillegg var det nokon som øydela dekket vi hadde lagt over gjødselhaugane. Dette trua våre moglegheiter for å produsere naturgjødsel til åkrane, seier Prisca. Ho hadde nokre diskusjonar med mannen sin om korleis dei kunne løyse problema og kom til slutt fram til ei løysing:

– Vi bestemte oss for å bruke åkrane som låg nær huset vårt for den berekraftige produksjonen. Naturgjødselblandinga vart laga ved huset hennar og bore over på åkeren. I tillegg vart det enklare å hindre folk i å fjerne eller brenne planterestane på åkrane. I sesongen 2014/2015 har ho planlagt å bruke markdekking på heile maisstykket på 8 da.

Nokre raske fakta

Familien:Prisca og familien hennar på den nye åkeren der ho planlegg å halde fram med bærekraftig dyrking. Planterestar ligg klart til bruk for neste sesong. Haugane med maisstokkar i bakgrunnen vil også bli brukt som markdekke etter at kolbane er tekne av.

  • Gift i 2008, mannen er fødd i 1985
  • Fyrste dottera Koleta er fødd 9. januar 2009
  • Andre dottera Scholastica er fødd 26. november 2011

Dyrkingssesongen 2012/1013:

  • Gjødsling: 50 kg fullgjødsel og 100 kg urea
  • Avling mais: 340 kg, seld for 16.000 kwatcha (220 kr)
  • Avling soya: 200 kg, seld for 36.500 kwatcha (530 kr)

Dyrkingssesongen 2013/2014:

  • Gjødsling: 50 kg fullgjødsel og 150 kg urea og 150 kg naturgjødsel
  • Avling mais: 1000 kg, ikkje seld enno
  • Avling soya: 400 kg, seld for 45.000 kwatcha (675 kr) (grunnen til at prisen på soya er lågare i år kan vere at ho ha seld det for tidleg. Då er det få kjøparar og prisane blir lågare.)

Prisca fortel at det vart brukt mykje mindre arbeid i sesongen 2013/2014 enn året før. Det kjem både av at ho da ikkje dyrka på tradisjonelle drillar og hypping men i staden dyrka på flatmark med markdekke. Med markdekking vart det og mindre ugrasluking.

Samhandling med resten av bygda

Prisca ba tre gonger landsbysjefane i området om å arrangere tre ulike møte for å drive opplæring i berekraftig jordbruk. Dei hjelpte henne med å innkalle til møta. Av de som kom viste 25 interesse for å starte denne typen jordbruk. Desse er no blitt følgjebønder for Prisca. I fyrste sesongen (2013/2014) gjennomfører 16 av desse minst tre typar berekraftige aktivitetar, resten driv samplanting. Prisca har også bedt bygdeutviklingskomiteen om hjelp til å lære bydefolket å sjå verdien i å ta vare på planterestane og unngå brenning.

Førebuing til neste sesong

Prisca lagar meir gjødsel for neste sesong, slik at ho kan kutte ned på kostnadene til mineralgjødsel. Når maisåkeren no er så nær heimen sparer ho transportkostnader ved å bere gjødsla over. Ho og følgebøndene planlegg eit gjødselbelte frå hovudvegen inn til landsbyen for å kunne vise prosessen med å lage og bruke gjødsel. Huset hennar ligg 400 meter frå hovudvegen, så det er enkelt for henne å sjå etter at gjødselbeltet verkeleg startar ved hovudvegen.

Ved å støtte Malawiprosjektet - bønder støtter bønder kan du gi fleire bondefamilier i Malawi mulighet til opplæring og ein bedre kvardag. Les mer om støttemuligheter og Malawiprosjektet Bønder støtter bønder

Rissa Bondelag på stand under matfestival

Til Malawi for å hjelpe andre bønder

Bondelagslederen i Rissa, Petter Harald Kimo, har blitt valgt ut til en delegasjon som på nyåret reiser til Malawi for å følge utviklingen i Bondelagets bistandsarbeid.

Bilde av noen av medlemmene i en "farmers club"

Sårbare alene - sterkere sammen

Norges Bondelag støtter Utviklingsfondets arbeid blant fattige bønder i Malawi. Klimaendringene fører til store svingninger i avlingene – tørke eller flom gir lave avlinger og lite å selge, selv om prisen er god. Normalår fører til gode avlinger – men da faller prisene.

Catherine Mvula.

Møt modellbonden Catherine Mvula

Catherine vart fødd i 1968 og bur i landsbyen Baula i Rumphi, nord i Malawi. Ho er gift med landsbysjefen, ein tidlegare snikkar i Arbeidsdepartementet. Mannen hennar hjelper til på garden, og tek i tillegg strøjobbar som gir rund 1500 kwacha (ca 22 kr) månaden i ekstrainntekt.

Mapopa Chiarambo

Mapopa trosser klimaendringene

Mapopa Chiarambo er 43 år, han har kone og tre barn. Han er etter hvert blitt en foregangsbonde i sitt distrikt i Rhumpi, Malawi. Det startet med at han ble følgebonde og fikk opplæring i nye og bærekraftige dyrkingsmetoder.

Gi gavekort

Gi en gave til Malawi

Du kan gi en symbolsk gave til den som ”har alt” eller ønsk deg selv en symbolsk gave.

Prisca Anderson

Bli bedre kjent med Prisca i Malawi

I juni 2014 kom den første rapporten om Prisca Anderson, en av våre modellbønder i Malawi. Nå har vi fått en oppdatering om Priscas arbeid. I februar vil en gruppe fra Norges Bondelag besøke Prisca og andre modellbønder.

Dette skjer i Norges Bondelag

Tirsdag
10
desember

Styremøte

Landbrukets hus
Tirsdag
10
desember

Styremøte

Landbrukets hus
Onsdag
11
desember

Styremøte i BS (telefonstyremøte)

Landbrukets hus

Våre samarbeidspartnere