Hordaland Bondelag hadde planlagt årsmøte 19.-20. mars på Rosendal Fjordhotel. Då vi såg at det ikkje var mogeleg å møtast fysisk, valde vi å gjennomføre årsmøtet på Skype. Vi gjekk glipp av mellom anna Victor Norman og Natalia Golis som skulle ha innlegg på årsmøtet, men vi fekk gjennomført val og vedtatt dei sakene som stod på saklista.

Alle utsendingane til årsmøtet fekk informasjon om den nye møteforma og tilbod om å kople seg på i eit testmøte dagen før. Fredag 20. mars gjennomførte vi møtet med 53 deltakarar. Eit av vedtaka i møtet, var at Hordaland Bondelag ønskjer å gå saman med Sogn og Fjordane Bondelag og skipe eitt felles fylkesbondelag med formell oppstart 1.1. 2021.

Her er det nye fylkesstyret i Hordaland Bondelag:

Leiar: Peder Nernæs, Kvam (Strandebarm-Tørvikbygd Bondelag). Attval.
Nestleiar: Knut Byrkjenes Hauso, Ullensvang (Ullensvang Hagebrukslag). Attval.

Styremedlemer:
Bodhild Fjelltveit, Bergen (Bergen Bondelag). Ikkje på val.
Lars Bø, Voss (Voss Bondelag). Ikkje på val.
Kjersti Hjelmeland, Kvinnherad (Omvikdalen Bondelag), ny.

1. vara: (møter fast i styret): Hege Aase Tysnes, Bjørnafjorden (Fusa Bondelag). Ny.
2. vara: Olav Myhr, Alver (Eikanger Bondelag). Attval.
3. vara: Jørund Kvestad, Ullensvang (Ullensvang Hagebrukslag). Ny.