To prisar til Hordaland i "Det Norske Måltid"
Det Norske Måltid er ei prestisjefylt prisutdeling der dei beste mat- og drikkeprodukta i Noreg konkurrerer i tolv kategoriar. Både Alde sider frå Nå og Homlagarden frå Norheimsund fekk pris under utdelinga i Stavanger.
Konkurransen om dei beste matprodukta i Noreg starta i 2008 og syner både breidda i matproduksjonen og dei unike råvarene vi har her i landet. Kvart år reiser Det Norske Måltid landet rundt og gjennomfører konkurransen. I 2018 var det fem delfinalar, med tre finalistar i kvar kategori. Finalane gjekk føre seg under Gladmatfestivalen i Stavanger, Matstreif i Oslo, Dyrskun i Seljord, SMAK Nordnorsk Matfestival i Tromsø og i Trondheim.
Vinnar frå Ullensvang Hagebrukslag
Denne gongen var det heile to vinnarar frå Hordaland. Olav Bleie og Alde sider frå Alde vann kategorien "Årets sider". Olav Bleie er også med i styret i lokallaget Ullensvang Hagebrukslag.
Juryen skriv:
"Det er noe helt spesielt med norske epler – fantastisk syrlighet og rik og aromatisk eplesmak, som gir vann i munnen bare når man tenker på det. Slike epler resulterer i svært god sider i hendene på dyktige produsenter. Vinneren er et eksempel på hvor god sider kan bli, laget på norske epler fra en soleksponert, hellende skråning. Årets sider kommer i flaske med tydelig utforming. Sideren er saftig og har mange lag av modne og fruktige eplearomaer. Alkoholen er pent integrert. Vinneren har kremet skum, behagelig munnfølelse og er en ypperlig følgesvenn til mat."
Årets kjøtt frå Hardanger
Økodrift Homlagarden vann prisen for "Årets kjøtt". Garden driv produksjon av økologisk seintvaksande kalkun og kylling.
Juryen skriv:
"Vinneren har et innbydende utseende og frisk lukt. Forbrukerne ser hele produktet og merkevaren er tydelig på etiketten. Kjøttet er mørt og saftig i munnen. Dommerne mener at produktets smak er finstemt og ren. Produsenten er kjent for å tenke nytt rundt kjøttproduksjon i Norge, og med årets vinnerprodukt kan man konstatere at disse valgene har båret frukter. Vinneren er odlet fram med omhu."
Pris til Lærdal Grønt og Bondens Marknad
Lærdal Grønt med Lærdals beste frosne bringebær vann i kategorien "Årets det grønne naturell". Dei fekk også prisen "Årets Forsprang". Heidersprisen gjekk til Bondens Marknad. Juryen sa mellom anna at Bondens Marknad har vore ei viktig drivkraft for auka i småskala- og lokalmat i Noreg dei siste 15 åra.
