Miljøtilskot for landbruksomsyn til trua elvemusling
Mange bønder i område med elvemusling har takka ja til å få utarbeidd Miljøplan elvemusling. Miljøplanen er uforpliktande og inneheld tips og rettleiing for meir miljøvenleg landbruksdrift, skriv Fylkesmannen.
Å redusere landbruksavrenning er eitt av mange tiltak som no vert gjort for å betre vasskvaliteten i elvemuslingvassdrag i Hordaland, seier Magnus Johan Steinsvåg hos Fylkesmannen si miljøvernavdeling. -Dette er også ein viktig del av «Bergingsaksjon for elvemusling i Hordaland» som fylkesmannen koordinerer.
Mange gardbrukarar har takka ja til å få utarbeidd Miljøplan elvemusling på gardsbruket og aktuelt leigeareal. Miljøplanen er uforpliktande og inneheld tips og rettleiing for meir miljøvenleg landbruksdrift. Den er også eit godt grunnlag for å signere «Miljøavtale elvemusling». Ved å signere miljøavtalen forpliktar ein seg til aktuelle tiltak og har då rett på miljøtilskot (RMP).
Les meir om miljøplan og miljøavtale for Elvemusling på nettsida til Fylkesmannen.
