Denne veka: Felles styremøte og kampanje
I dag er det "Bli med inn i bingen" - dagen med livesendig frå svineprodusentar over heile landet. Onsdag har Sogn og Fjordane Bondelag og Hordaland Bondelag felles styremøte.
I samband med at Landbruksråd Vestland har årssamling og dialogmøte, legg dei to fylkeslaga fellesmøtet til Bergen. Møtet startar med middag tysdag kveld saman med dei andre organisasjonane som er medlem i Landbruksrådet. Onsdag er det dialogmøte, før styremøtet begynner.
Tema for styremøtet er prosess for samanslåing av bondelaga. Til møtet får vi besøk av generalsekretær Sigrid Hjørnegård og seniorrådgjevar Harald Velsand frå Norges Bondelag.
Bli med i bingen
På facebook og instagram kan du sjå glimt frå svioneproduksjon i heile landet. Under #bondeTV kan du sjå videoer og livesending. Sjå også eventet "Bli med i bingen" på facebook dersom du vil bidra.
