Klar for sitt første årsmøte i Norges Bondelag
- Det vert spanande å sjå korleis årsmøtet i Norges Bondelag fungerer, seier førstereis utsending Knut Tore Nes Hjelle frå Eid Bondelag. Saman med fylkesleiar Per Hilleren og dei 6 andre utsendingane er han klar for årsmøtet i Norges Bondelag som startar på Lillehammer i dag.
Medan dei andre utsendingane har delteke i årsmøtet tidlegare stiller Knut Tore for første gong, og er av den grunn gjerne noko meir spent enn dei andre utsendingane. - Eg vonar fokuset vert retta framover på korleis vi skal løyse dei utfordringane som næringa har, seier han.
Den første dagen får Bondetinget også besøk og ord fra landbruks- og matminister Lars Peder Brekk. Onsdag 13. juni vert runda av med søkelys på kva rammevilkår verdens bønder treng for å produsere nok mat. Presidenten i WFO (World farmers organisation), Robert Carlson kjem rett frå organisasjonen si generalforsamling i Roma. Det same gjer Bondelaget sin første nestleder, Berit Hundåla som er styremedlem i den nye, verdsomspennande organisasjonen for bønder.
Dag to er forutan dei vanlege årsmøtesakene, viet til landbruk og politikk 2013. Temaet blir presentert av andre nestleiar, Brita Skallerud og tidlegare RV-politiker, no daglig leiar for Litteraturhuset, Aslak Sira Myhre.
Dag to inneheld også eit innlegg ved kommunal- og regionalminister Liv Signe Navarsete.
