Landbruksopprøret 2017

Publisert

To røynde gardbrukarar som hadde mykje å tale om denne varme sumardagen, midt i Oslo-gryta. Trygve (t.v.) og Erik. ( foto: øystein moi )

Det vert sjølvsagt lagt merke til når meir enn 4000 bondevener frå heile Noreg marsjerer opp sjølvaste paradegata i Oslo, Karl Johan, og slær leir på grasvollen framføre Stortinget. Einskilde stortingsrepresentantar våga seg ut for å helse på møtelyden. Andre gøymde seg bak gardina, inne i tingsalen.

F.v. Ivar Eikeland, Sjur Lauvdal og Nils Moland (foto: øystein moi )

50 ihuga bønder frå båe agderfylka sette grytidleg tysdag morgon kursen mot hovudstaden. Risdal Touring sytte for ei behageleg bussreise - både fram og attende.
Det vart ei mektig openberring då meir enn 4000 demontrantar marsjerte gjennom sentrale strok i hovudstaden. På grasvollen framføre Stortinget, på Eidsvolls plass, slo dei leir. Her vart det etter kvart servert kraftfulle politiske læresetninger - og musikalske høgdepunkt av ulike slag.
Like etter midnatt var dei fleste demonstrantane frå Sørlandet attende i heimen. Under dyna.
Her kan du sjå nokre utvalde fargebilete frå turen.

God stemning i samband med ei kraftig matøkt, og tilhøyrande tissepause, før avgang frå Arendal. ( foto: øystein moi )

Dei forsynte seg dugeleg av nisteskrinet, både Frank Sigvaldsen (t.v.) og Knut Erik Ulltveit

Tor Erik Leland vart tidleg oppnemnd som ansvarleg reiseleiar. Mange detaljar måtte ordnast i løpet av tidlege morgontimar. ( foto: øystein moi )

Reidun Svaland, frå Hægeland, i fri dressur på stemneplassen.. ( foto: øystein moi )

Foto: øystein moi

T.v. noverande fylkesleiar i Aust-Agder, Knut Erik Ulltveit - t.h. tidlegare fylkesleiar Erik Fløystad. Bilete talar sit eige språk. Ingen tvil om kven som er sjefen her. ( foto: øystein moi )

Inger Liv Røyter Thoresen. (foto: øystein moi )

Iveland Bondelag var sterkt representert. Her ser du lokallagsleiar Tellef Honnemyr i same augneblink som han fær auge på landbruksminister Jon Georg Dale. ( foto: øystein moi )

Eli - Monica Aune Olimstad (t.v.), Anne Grete Johnson Lieng - og Inger Liv Røyter Thoresen. ( foto: øystein moi )

Det er i grunnen himla greit når alt er samla på ein plass. På få kvadratmeter. Compact Games. ( foto: øystein moi )

Ole Rune Røinesdal (t.v.) og Gunnar Hangeland(Foto: øystein moi)

Birte Usland er styremedlem i Norges Bondelag og hadde såleis ei sentral rolle, ein sentral plass, i folketoget. (foto: øystein moi )

Kathrine Kleveland er nasjonal leiar av folkerørsla Nei til EU - og ikkje minst så er ho gift med ein stødig kar frå Finsland. Ei strålande, gild og blid jente. (foto: øystein moi )