Landbruksministeren vitjar Setesdal
Statsråden vil truleg møte både stakkekledde jenter, ihuga sauebønder - og mykje gilde folk frå heile dalføret når han kjem på signingsferd til Setesdal laurdagen den 27.august. Det vert folkefest på Helle når det vert opna for omvisning i tre nye sauefjos, med plass til meir enn 1000 dyr. (foto: øystein moi )
Det blir folkefest heile dagen teil ende når landbruksminister Jon Georg Dale kjem til Setesdal for å opne tre nye sauefjos.
Marknad, servering av heilgrilla og stuttreist lam, gjetarhundoppvisning, saueklypping - og ei lang rekkje med lokale kulturinnslag.
For temmeleg nøyaktig eit år sidan var representantar frå Agderkontoret tilstades på eit kraftig sauemøte på Ose i Setesdal. I desse dagar ser me resultatet av eit framifrå planleggjingsarbeid, dugande fagfolk - og ikkje minst unge bønder med tru på framtida. Med tru på landbruket.