Fjerna søppel og rundballeplast
Frå truvedige kjelder fær me opplyst at så mykje som 35 000 meter med rundballeplast kan ha tilsulka strendene og vassdraget kring Lygna i fjor haust. Ekstremværet "Synne"la frå seg mykje søppel og skrot då det passerte Sørlandet . No er det tid for opprydding. Laurdag føremiddag møtte ein solid dugnadsgjeng opp ved Kvåsfosen.
Meir enn 30 personar møtte opp på dugnaden og fylkesleiaren i Bondelaget, Tor Erik Leland, ynskjer å rette ein stor takk til m.a. deltakarar frå Jeger & Fisk - og medlemmer av det lokale Elveeeigarlaget.
Alle gjorde ein framifrå innsats med å rydde opp etter den lokale "Synnefloden."
Høg vassføring i Lygna no om dagen gjer at ein truleg må annonsere ein ny ryddedag noke seinare på våren. Det var nemleg ikkje alle stader ryddegjengen kunne take seg fram denne kalde og regnfulle laurdagen i april.
