Ein viktig dag på Agderkontoret
Styret i Vest-Agder Bondelag er i dag samla til møte på Agderkontoret. Vinterferien 2016 er historie - og kalenderen ber bod om at tida no er mogen for å førebu dei årvisse jordbruksforhandlingene. Fylkesstyret he frist fram til 16. mars med å sende sitt sameinte innspel inn til hovudbølet i Norges Bondelag. (foto: øystein moi )
Dei 13 ulike lokallaga i Vest-Agder hadde frist fram til 19. februar for å kome med sine innspel til jordbruksforhandlingene. Desse bidraga ligg i dag på styrebordet, og i løpet av ein lang dag her på kontoret skal dei utvalde i fylkesstyret kunne sende eit sameint forslag / innspel inn til Norges Bondelag.
Landet vårt he som kjend fenge ein ny landbruksminister sidan forrige forhandlingsrunde. Det er likevel lite som tyder på at me samstundes he fenge ein ny landbrukspolitikk.
Det er liten tvil, på tvers av partigrensene, om at jordbruksforhandlinegene 2016 vert ei særs krevjande øving.
Den politiske avstanden mellom regjeringa og bøndene er etter vårt skjøn like stor som tidlegare.
Det mange spør seg om er kva for retorisk line statsråd Dale vil leggje seg på i forhandlingene som no ligg framføre oss. Spursmålet er om han vil vidareføre den tøffe, og stundom konfronterande, ordbruken som forgjengaren Sylvi Listhaug ved fleire høve gjorde seg bruk av.
Alternativet er å leggje opp til ein meir mjuk / audmjuk dialog med næringa....