Bilete frrå Bondetinget 2016
Årsmøte i Norges Bondelag, på Lillehammer, er no historie. Meir enn 300 gjestar, utsendinger - og tillitsvalde frå heile landet er no attende i heimen. Attende i godstolen. Lars Petter Bartnes vart attvald som leiar medan Birte Usland, frå Marnardal, vart vald inn som fast medlem av hovudstyret. (foto: øystein moi )
Årsmøteveka starta med representantskapsmøte tysdag ettermiddag, og heldt fram med ordinært årsmøte både onsdag og torsdag. Det var ei uhorveleg lang saksliste som skulle handsamast, og når meir enn 100 utsendinger, alle med røysterett, skulle bere fram bodskapen sin frå talarstolen - ja då skjøner vonleg alle at det vart både lange og strevsame dagar i tingsalen.
Utan atterhald kan ein oppsummere årsmøtet 2016 som særs vellukka. Bondelaget er ein organisasjon med godt samhald, stor takhøgde, og ikkje minst ein samskipnad kor dei aller fleste ser ljost på livet - og er optimistiske med tanke på framtida.
Stolte næringsdrivande som trivast i jobben, vel vitande om produksjon av trygg norsk mat aldri vil gå av moten.
På gjestelista fann me kjende namn som m.a.landbruksminister Jon Georg Dale (FrP), partileiarJonas Gar Støre (AP), stortingsrepresentant Knut Storberget (AP), stortingsrepresentant Geir Pollestad (SP) - og vår eigen Dagrunn Eriksen (KrF)
Og er du det aller minste i tvil - så kan me her og no avsløre at dei alle vil bøndene, og landbruket vel.
Kvar på sin måte ...
Her kan du lese meir om det nye styret i Norges Bondelag.