Mål for prosjektet er:
1. Auke lønsemda i saueproduksjonen, samla i Telemark og for den enkelte produsent.
Det skal skje ved:
- Ein auke i talet vinterfôra sau i Telemark og stanse nedgangen i talet saueprodusentar i fylket.
- Betre kvalitet i saueproduksjonen, lammevekt, klassifisering ved slakting
- Betre utnytting av beiteressursane i fylket.
- Betre kvalitet i grovfôrproduksjonen
- Utvikle løysingar for meir samarbeid blant produsentane
2. Gjere meir bruk av utmarksområde til enkelt friluftsliv, folkehelseaktivitetar. Utnytte og utvikle beitebruk, sanking, tilsyn til å restaurere stigar mv. for ferdsel i området. Trekke lokale og tilreisande inn i desse aktivitetane.
Med atterhald om endeleg finansiering, søkjer vi:
Prosjektleiar for 1 år med høve til forlenging for eitt til to år til. Stillinga er i utgangspunktet 100 %, men ein kan gjere avtale om noko redusert stillingsdel.
Vi ønskjer:
- Ein person med høgare, relevant utdanning, t.d. landbruk, biologi. Kan evt. kompenserast for med relevant praksis og god kjennskap til landbruket
- Ein person som er god på samarbeid, og samtidig kan arbeide sjølvstendig, oppsøkjande og målretta. Erfaring frå anna prosjektarbeid vil bli vektlagt
- Ein person som har gode kontaktskapande evner og er flink til å formidle faglege tema
Vi legg vekt på å finne personen som har dei rette personlege og faglege kvalifikasjonane for jobben.
Vi tilbyr:
- Spennande og utfordrande arbeids- og utviklingsoppgåver
- Fleksibel arbeidssituasjon
- Løn etter avtale
Kontorplass vert å avtale med prosjekteigarane.
Søkjer må kunne disponere bil. Ho/han må pårekne noko reise- og møteverksemd, også på kveldstid.
Prosjektet har ei styringsgruppe, samansett av representantar for eigarorganisasjonane og Fylkesmannen/Fylkeskommunen
For meir informasjon, kontakt Amund Johnsrud, Telemark Bondelag. Tel 97 54 18 42
Søknad med CV og attestar, sendast elektronisk til telemark@bondelaget.no eller pr. post til Telemark Bondelag, Landbrukets hus, Bøvegen 271, 3810 Gvarv. Merkast ”sau”.
Søknadsfrist 9. januar 2012.
Ønskje om oppstart så raskt som mogleg, men vert å avtale ved tilsetjing.