DN peikar på prinsippet om differensiert forvaltning i forvaltningsplanen for rovvilt i region 2 som grunnlag for avslaget sitt, og at den aktuelle gaupa ikke kan sjåast på som ein særskilt skadevaldar i det området det er snakk om.
-Dette er ein merkeleg argumentasjon frå DN si side, seier organisasjonssjef i Telemark Bondelag, Amund Johnsrud. -Det at ein har prøvd ut prinsipp for differensiering i rovviltforvaltninga i regionen må ikkje bli brukt mot oss, når vi nå freistar å løyse eit akutt problem. -Samtidig kan det ikkje bli eit argument for å å spare ei radiomerkt gaupe som beviseleg har tatt mykje sau, at andre gauper også kan ha drept husdyr i området, slår han fast.
-Forvaltningsmyndigheitene må ta inn over seg at Regjeringa nå ønskjer meir effektivitet i skadefellinga av rovdyr. Da må den stille opp med tilgjengelege hjelpemidlar, slik som tilgang til gps-data, når disse ligg føre, seier Amund Johnsrud, som innstiller på å anke avslaget frå DN framfor styremøtet i Telemark Bondelag på onsdag.
Her kan du lese svarbrevet frå DN.
Her kan du lese om søknaden som blei sendt DN tidlegare i august.