I tillegg til desse topp aktuelle tema fekk møtelyden gjennomgong av fleire andre viktige småkrafttema: Turbinval, røyrgate, miljøomsyn og finansiering.
Konsesjonskøen
Førstemann ut var Øystein Grundt frå konsesjonsavdelinga i NVE. Men over 600 småkraftsøknader journalført og eit tidspress for å få kraftverka i drift innan utgongen av 2020 for å få bli med i elsertifikatordninga, var mange spente på nyhende frå NVE. - Vi vil setje i verk fleire tiltak for å sikre framdrift i konsesjonshandsaminga, sa Grundt. - Frå nyttår kjem det ein eigen småkraftseksjon. Kvalitetskrava til søknadene vil bli skjerpa - mangelfulle søknader og søknader med sein framdrift frå søkjarane vil bli nedprioriterte. Klare avslagssakser vil gå raskare gjennoms systemet, med kort grunngjeving, slo Grundt fast. Men noko mål-tal for kor mange saker NVE bør greie i 2012, ville han ikkje driste seg på å gi opp.
Linjenettet
På kraftnettsektoren fekk forsamlinga lokale oppdateringar frå nettsjef Helge Robert Midtbø i Sunnfjord Energi og frå prosjektleiar Ove Bratberg i Statnett. Som kjent er det full stans både i nettilknyting og i konsesjonshandsaming på strekninga Ørskog - Sogndal no medan saka om linjebygginga framleis er til handsaming. Straks ankehandsaminga er ferdig i OED, vil NVE ta opp att sakshandsaminga av konsesjonssøknader. De som ha vore lagde til side, missar ikkje plassen sin i konsessjonskøen. For nettilknyting derimot er det opplyst at heile den nye lilnja må vere ferdig bygd før nye kraftverk kan koplast til. Og dette kan tidlegast skje i 2015, så sant OED kjem med avgjerda si no kring årsskiftet.
Elsertifikata
- Fylkeskommunen er postiv til satsing på fornybar energi, slo vararordførar Jenny Følling fast. - Ikkje minst elsertifikata som vi no veit kjem frå nyttår, vil auke interessa for satsing ytterlegare. - Sertifikata vil bli gjevne til alle godkjende, nye produsentar av fornybar kraft, pluss mikro- og minikraftverk bygde tilbake til 2004. Sertifikata vil vere eit verdipapir som kraftprodusentane kan omsetje i ein marknad, der prisen på førehand er ukjent. Men i Sverige, der ein har hatt sertifkatordninga i ei årrekkje, har prisen lege på i overkant av 20 øre pr. KWh, altså eit monaleg pristillegg. Statnett adminstrerer ordninga, medan NVE står for godkjenning av anlegg. Desse instansane arbeider no på høgtrykk med å få detaljert regelverk på plass og gir fortløpande informasjon.
Her er presentasjonane frå seminaret.