Vegvesenet skal legge fram forslaget til reguleringsplan for E 39 for strekninga Birkeland- Sande på nyåret for vidare kommunal handsaming etter Plan og bygningsloven. Det er såleis viktig å fremje landbruket sine grunneigarinteresser tidlegast mogleg i høve til reguleringsarbeidet. Det er også viktig at einskidgrunneigarar så langt råd fremjar sine konkrete krav og ønskje overfor vegvesenet før reguleringsplanarbeidet er ferdigstilt. Planarbeid knytt til strekninga Bjørset-Skei i Jølster er også nært foreståande.
I høyringsbrevet frå bondelaget vert det mellom anna peika på, at når det gjeld ulemper som vegen påfører landbruksnæringa, må vegvesenet allereide i planprosessen påverkast til å planlegge avbøtande tiltak som transport- og tilkomstvegar, over- og undergangar, grøfter for drenering og kabelframføring, seier Oddvin Haugland som er sakshandsamar i fylkeslaget på saka. Det er også viktig at det ved planlegginga av vegen i størst mogleg grad vert teke omsyn til trongen for vern av god dyrka jord, avsluttar Haugland som ser føre seg at dette vert ei stor og omfattande sak som vil vedkomme mange grunneigarar.
Komande onsdag og torsdag vert det skiap til ein større konferanse i Loen som vedkjem vidare traseval for E39 fråSkei og til Ålesund. Fylkesbondelaget vil vere representert torsdagen på konferansen.