- Trusselen knytt til temperaturauke og andre klimaendringar som følgje av auka CO2-utslepp frå fossilt brensel er som ein kreftsvulst for heile kloden, sa Gøran Persson. - Tida er knapp. - Handlar vi ikkje no, kan det bli uleveleg her for våre barnebarn, slo han fast. Utsleppa frå fossilt brensel må stansast, og nye, reine energikjelder må fram i stor skala, var bodskapen.
Teknologiutvikling
- Mykje er likevel i ferd med å skje. - Eg har tru på at teknologiutviklinga framover vil gjere alternative energiløysingar stadig meir konkurransedyktige og aktuelle, sa Persson - ikkje minst innan transportnæringa. I Sverige passerte skogen i fjor olja som den viktigaste 
energikjelda i landet, så ting skjer. - Skal vi greie å få fram dei nye energikjeldene tilstrekkeleg rask, må vi ha eit relativt høgt prisnivå både på olje og elkraft, peika han på.
Skandinavia som batteri
- Skandinavia er i ei særstilling når det gjeld mulegheiter for fornybar energi, saGøran Persson. For solenergi er vi ikkje best. Men med vasskrafta i tillegg til vind- og skogressursane er vi svært godt rusta til å produsere alternativ energi. Og vasskrafta gjer det mogleg å levere batterikapasitet til Europa og dermed vere backup for produksjonen av sol- og vindendergi lengre sør. - Ein slik batteri-funksjon vil gi vasskrafta større verdi enn til reint innanlands forbruk, meinte Persson.
- Bondelaget sine temasider om energi, miljø og klima