Publisert 22.11.2010
Norske Felleskjøp venter at tilgangen av korn blir 1 160 000 tonn inkl. oljefrø og erter. Det er 50 000 tonn mindre enn forventa i september.
Norske Felleskjøp har vedteke ny prognose for tilgang og forbruk av korn i sesongen 2010/2011. Prognosen tilseier ei totalavling om lag som femårssnittet.
Fôrhavren utgjer ei utfordring. Norske Felleskjøp reknar med at det vil vere mogleg å bruke meir havre denne sesongen enn forrige sesong, men at det kan bli eit overskott på 25 000 tonn også etter denne sesongen. Norske Felleskjøp vil arbeide med tiltak som kan redusere dette overskottet.
