Bøndene på Vestlandet vil ha ein eigen tiltakspakke for vestlandsjordbruket. Dei meiner dei tener mindre enn andre bønder i Noreg.
– Stadig fleire legg ned jordbruka sine på vestlandet. Det er heilt naudsynt at vestlandsbøndene vert tilgodesette no, seier leiar i Sogn og Fjordane Bondelag, Per Hilleren.
Sterkare saman
Over 10 000 bønder i Sogn og Fjordane, Hordaland og i Møre og Romsdal har gått saman om eit felles krav før årets jordbruksavtale.
Hilleren i Sogn og Fjordane Bondelag seier dei har slått seg saman for å ha større påverknad på utfallet av jordbruksavtala.
