Eitt av problema for norsk bioenergi er at prisen på flis er 70 prosent høgare enn i Sverige. Det skal Bioenergy Innovation Centre (CenBio) gjere noko med, etter at det i går blei utnemnt som nasjonalt senter for forsking på fornybar energi. - Me må blant anna finne fram til maskiner og metodar som meir effektivt får virket ut av skogen og inn i forbrenningsanlegga. Me har mykje å lære av Sverige, men må tilpasse teknikkane norske forhold, fortel senterleiar Lars Sørum.
