Oppe i skråninga feiar maskinen vekk både gras og kratt. Nede på flata står Jan Gregor Sandblåst på trygg avstand og fjernstyrer maskinen. - Jau, det er ein skikkeleg råtass, vedgår Jan Gregor Sandblåst hos Remseth Maskin AS i Valldal. Han radiostyrer maskinen som kjem til der andre må gje tapt. Beitepussar, likar han helst å kalle innretninga. - Den er utstyrt med reiskap som gjer at maskinen kan slå der det ikkje er blitt slått på fleire år. Den tek unna både kratt og kjerr, forklarer Sandblåst.
