Kornutvalet i Bondelaget meiner auka inntekt, støtte til grøfting og innføring av pristilskot kan stoppe nedgangen i kornarealet i Noreg.
Leiar Svein Stubberud i kornutvalet til Norges Bondelag er svært bekymra over nedgangen i kornarealet dei seinaste åra.
Dei sju siste åra har kornarealet her i landet gått ned med over 259.000 dekar, eller rundt 8 prosent, ifølgje tal frå Statistisk sentralbyrå (SSB).
Nedgangen utgjer 37.000 dekar i året, og står i kontrast til åra frå 1998 til 2004, då kornarealet var nær heilt stabilt.
Han trekkjer fram betre økonomi for kornbøndene som det viktigaste grepet for å stoppe nedgangen og på sikt snu utviklinga.
