- Ei utdanning midt i blinken for meg, seier Rune Dyrkolbotn.
Etter to års undervisning i idrettsanleggsfaget ved Voss Jordbruksskule, er han no lærling i skiheisanlegget i Myrkdalen. Fagbrev er i sikte, og undervegs har Rune og klassekameratane sikra seg sertifikat av mange slags innretningar som finst på idrettsanlegg. For skisenteret betyr det mindre skader på kostbare trakkemaskiner.
Vil ut i verda
Rune Doherty er lærling hjå Voss Resort, og har også den svære Hangursbanen med Dinglo og Danglo å handtera. Han vil gjerne vera i fjellet om sommaren, for eksempel kan han laga sykkelløyper. Ken Joar Nedberge kombinerer gjerne Myrkdalen med Prestegardsmoen, der graset må vera grønt til Voss Cup.
- Stipendopphaldet i Austerrike var svært lærerikt, kommenterer Bjørnar Flisram, og antydar at han kanskje ein gong vil ut i den store verda med kunnskapane sine.
