Biogass frå husdyrmøkk blei løfta fram som hovudsatsingsfeltet i klimameldinga for landbruket, og biogass var også eit av hovudpunkta som Jørgen Randers og lågutsleppsutvalet peika på for å redusere klimautsleppa.
Men så langt har svært lite skjedd på området. I statsbudsjettet føreslår regjeringa å setje av magre 25 millionar kroner øyremerka til oppfølging av klimameldinga for landbruket, men mesteparten skal gå til skogplanting og ulike tiltak mot bruk av tre. Både miljø- og næringsorganisasjonar slaktar biogass-satsinga, og Jørgen Randers meiner innsatsen er svært svak.
– Så langt ser regjeringas satsing svært puslete ut. Effekten av biogassanlegg for husdyrgjødsel kan samanliknast med vindkraftpotensialet, men støttebeløpa til vindkraft er av ein heilt annan storleik enn til biogass, seier Jørgen Randers.
Randers har saman med Nationen rekna ut investeringane som trengs i biogassanlegg.
