Bøndene inviterer til Open Gard

Laurdag 20. august har Smøla Bondelag har arrangement ved Norsk Myrmuseum på Moldstad kl 12-16.

Søndag 21. august vert det halde tre Open Gard-arrangement i Møre og Romsdal:

For Tingvoll Bondelag er Saghaug Gard og Tingvollost i Torjulvågen vertskap. Dette arrangementent er frå kl. 11.00 til kl. 15.00. KLIKK HER for Tingvollost si heimeside

Todalen Bondelag i Surnadal har arrangement kl. 12-16 i Pestua med Maren Ansnes og Asbjørn Karlsen som vertskap.

Sykkylven Bondelag og landbruket i Sykkylven sitt Open Gard-arrangement er på Aure Samdrift på Sunndalssetra. KLIKK HER for Aure samdrift sin heimeside.

Søndag 28. august held Austefjord Bondelag Open Gard hosAstrid Gjersdal og Tore Våde i Gjersdalen i Austefjorden i Volda.

Open Gard er landbruket sitt store familiearrangement, og Bondelaget sin viktigaste døropnar mellom landbruket og resten av befolkninga. Dette er dagen alle kan kome på gardsbesøk for å gjere seg kjent med bonden, matproduksjon og livet på garden. Det er lokale bondelag som står bak arrangementa, og med god hjelp frå øvrige lokale landbruksorganisasjonar. Dei siste åra har mange tusen besøkande over heile landet fått oppleve ein hyggeleg dag på ein gjestfri gard, der ein får sett litt av kvalitetane ved norsk landbruk i den betydninga næringa har for produksjonen av mat, vedlikehald av kulturlandskap, levedyktige lokalsamfunn og verdiskaping.

Arrangørar av Open gard i Møre og Romsdal i 2011: