Bodstikke-stafetten starta på fylkesårsmøtet

For å synleggjere behovet for auka matproduksjon i Norge og kva landbruket bidreg med, arrangerer Norges Bondelag ein bodstikkestafett. Fram til 12. april vil 40 bodstikker gå innom alle dei 430 kommunane og 19 fylka i landet og samle inn visjonar og mål for landbruket frå bondelag og alliansepartnarar i forkant av den nye landbruksmeldinga.

I kvar kommune og kvart fylke inviterer Bondelaget med seg støttespelarar til å skrive under på eit opprop i bodstikka eller skrive sin visjon for landbruket på sin heimplass.

- Vi har mange gode støttesparar ute, både politikarar, næringslivsfolk og andre. Vi ønskjer å få fram kva tankar og visjonar dei har for landbruket dei neste 10-15 åra, sa fylkesleiar Inge Martin Karlsvik då han drog i gang stafetten på fylkesårsmøtet i Molde i helga.

Slagordet er"NOEN MÅ HA BEINA PÅ JORDA - Verdens matfat tømmes".

Møre og Romsdal Bondelag har skreve på følgande visjon for landbruket i Møre og Romsdal: 

• Landbruksnæringa i det fremste matfylket i landet har som mål å produsere endå meir mjølk, kjøt, egg, potet, grønt, og trevirke av beste kvalitet.
• Vi vil ta i bruk alle ressursane vi har på garden. Vi vil vidareutvikle næringsverksemda til beste for bygda og samfunnet.
• Rekruttering: - Ved å bygge på kunnskap og samarbeid skal vi gjere det godt å vere ung kvinne og mann i landbruksnæringa i fylket.  

Start i Rindal og Ørsta

Leiar i Rindal Bondelag, Tore Simonset, og leiar i Ørsta Bondelag, Geir Hole, tok med seg kvar si bodstikke ut til nord og sør i fylket. Deretter vil ho gå innom alle kommunar. Bodskapen er behovet for auka matproduksjon i Norge, rammevilkåra i landbruksnæringa, inntektsutvikling som for andre grupper, og investeringsmidlar.   

Lokale Bondelag i alle kommunar vert oppmoda om å gå saman om eit opplegg, stort eller lite. Det kan vere i samband med overlevering mellom kommunar, eller ved påskrift av eit bodskap på rullen i bodstikka. Det kan vere på eit styremøte, medlemsmøte, på eit gardsbruk, eller anna sentral stad for næringa i kommunen.

Reiseruta for bodstikkene i Møre og Romsdal er:

Bodstikke I:

Bodstikke II: