Hittil i år er det registrert 10 dødsulykker i tilknytning til landbruk. Dette syner at det framleis er langt fram til "nullvisjonen" om "Ingen dødsulykker i norsk landbruk innan 2012". Eit viktig verkemiddel for å nå dette målet er å auka kompetansen om kva bonden kan gjera for å hindra ulykker. I så måte er kurset "Praktisk HMS-arbeid" heilt sentralt. Det er ønskje om at alle bønder skal ha gjennomføra kurset og dermed ha dokumentert kompetanse på HMS innan 2012.
I løpet av 2008 - 2009 vil det bli gjennomført ei rekke lokale kurs i regi av Landbrukets HMS-teneste i samarbeid med m.a. lokale bondelag. Kurset er på 12 timar. Halvparten er e-læring på eigen pc. Sjå også meir info om kurset på Landbrukets HMS-teneste. Interesse for kurset kan gjerne meldast til Møre og Romsdal Bondelag.