Nils T. Bjørke til regionmøter om landbruksmeldinga 7. februar

Møre og Romsdal Bondelag inviterer styremedlemmer, tillitsvalgte og medlemmer i lokale Bondelag, og andre interesserte, til to opne regionmøter om landbruksmeldinga og det komande jordbruksoppgjeret - dagmøte for Sunnmøre og kveldsmøte for Romsdal/Nordmøre.

Tid: Tirsdag 7. februar 2012

Kl. 11.00-15.00: Sunde Fjord Hotell, Solevågen (ved fergekaia over til Festøy). (Lunsj ca 12.30)

Kl. 20.00: TINE Høgset, Gjemnes (Kveldsmat frå kl. 19.30)

Innleiar på begge møta: Leiar i Norges Bondelag, Nils T. Bjørke.

I tillegg deltek fylkesleiar Inge Martin Karlsvik, nestleiar Birgit Oline Kjerstad og organisasjonssjef Arnar Lyche, saman med fylkesstyremedlemmene der det høver for dei.

Forutan orientering om Landbruksmeldinga og det komande jordbruksoppgjeret, vert det sett av god tid til debatt og meiningsutveksling, og såleis godt høve for å diskutere innhaldet i landbruksmeldinga direkte med leiaren i Norges Bondelag, Nils Bjørke, i forkant av styret i Norges Bondelag si behandling av meldinga 15. februar, og det ekstraordinære representantskapsmøtet i Norges Bondelag 22. februar.

Meld. St. 9 (2011-2012) ”Landbruks- og matpolitikken – Velkommen til bords” vart lagt fram av regjeringa den 2. desember. Forutan at det politiske arbeidet held fram opp mot stortingsbehandlinga, som er venta skal vere ferdig før påske, er meldinga no ute til høyring i Bondelaget sine lokal- og fylkeslag, og med mange møter rundt om i landet.