Nyetablering beiteutval
I 2004 vart investeringsstøtta i organisert beitebruk teke inn i SMIL-ordninga, og vart dermed flytta frå fylkesmann til kommune. Då investeringsstøtta var ei av dei større sakene beiteutvalet arbeida med, vart dåverande beiteutval lagt ned. Frå i år er denne støtta tilbakeført til fylkesmannen som eiga ordning. Dette gav grunnlag for å etablere eit nytt beiteutval.
Første møtet
Første møte i beiteutvalet var den 21. juni 2010. Her brukte ein noko tid på å diskutere kva oppgåver beiteutvalet skal ha og det vart gjort tilrådingar til årets investeringssøknader i organisert beitebruk.
Midlar til investeringar
Det er totalt kome inn søknader på godt over 2 millionar, men det var berre kr 250.000 til fordeling. Det vart dermed streng prioritering av kva tiltak som skulle få tilskot. Det vart gjeve tilskot til sankeanlegg, saltsteinsautomatar og enkelte andre tiltak. Tiltak som til dømes sankehytter og radiosambandsutstyr var det ikkje rom for å gje tilskot til. Vedtaksbreva er no sende ut til dei aktuelle beitelaga.
Målsetjingar med utvalet
• Faglig støtte til landbruksavdelinga ved fordeling av investeringsmidlar
i organisert beitebruk.
• Betre kommunikasjon mellom beitenæring og landbruksavdelinga.
• Høyringsinstans ved relevante saker som til dømes rovvilt, nasjonalpark.
Samansetting av utvalet
| Namn | Organisasjon |
| Helge Edvartsen | Hordaland Sau og Geit |
| Ole Johan Eidsnes | Hordaland Sau og Geit |
| Reidar Kallestad | Hordaland Sau og Geit |
| Anne Bakke Handeland | Hordaland Bondelag |
| Jarle Helland | Hordaland Bonde- og Småbrukarlag |
| Svanhild Aksnes | Fylkesmannen i Hordaland |
