Det er Norsk Sau og Geitalslag som har tatt ut stemning mot staten for å få kjent praktiseringa av forskrifta om erstatning for tap til rovvilt ugyldig. Norges Bondelag meiner på si side at det er av prinsipiell interesse for medlemmene å få avgjort om det er heimel for dei vilkåra styresmaktene stiller, og blir med som partshjelpar i saka. Blir saka handsama som gruppespørsmål, kan det vere aktuelt å auke den økonomiske stønaden som styret i Bondelaget har sett fast.
Då styret i Norges Bondelag fatta vedtak om økonomisk stønad, blei det og understreka at dyreeigar skal ha erstatning for alt tap utover normalttapet i buskapen, og at staten bør ha provtyngsla (bevisbyrden) for at tapet har andre årsaker. - Slik staten praktiserer regelverket i dag med urealistiske dokumentasjonskrav, blir det i realiteten dyreeigar som tek store deler av kostnadene med rovviltskadane, peikar Bondelaget på og viser til at mange bønder lir under den strenge praktiseringa av regeleverket.
Kontaktpersonar i Norges Bondelag: Nils T. Bjørke og Sissel Fykse.