Bakgrunnen er at kommunane har hatt ein sterk nedgang i jordbruksareal og tal jordbruksbedrifter dei siste ti åra. Ordførarane har bedt Fylkesmannen om bistand for mobilisera fleire til å satsa på landbruk.
Med seg på laget har kommunane og Fylkesmannen Nortura, Norsk landbruksrådgiving Agder, bondelaget, Innovasjon Norge og fylkeskommunen. Desse har deltatt på mobiliseringsmøter i vår. Responsen har vore god med frammøte på 40–50 personar på kvart av møta. Både unge som vil inn i næringa og etablerte bønder som ønskjer å satsa meir på garden møtte opp. I etterkant av møta teikna ein del seg på lister for å delta vidare i prosjekta.
Vegårshei-ordførar Kjetil Torp ønskjer seg fellesfjøs for sau. Han ser for seg beitedyr spreidd rundt i kommunen sommarstid og samarbeid om oppstalling og stell om vinteren.
Les omtale i Tvedestrandsposten.
– Landbruk er viktig for Gjerstad, seier ordførar Kjell Trygve Grundsvoll. Gjerstad har nyleg starta opp rullering av landbruksplanen, og kommunen ønskjer god kontakt med næringa. Gjerstad-ordføraren har merka seg at den nye landbruks- og matmeldinga legg vekt på distriktslandbruk og utnytting av utmark, vesentlege tema for Gjerstad.
- Leif Løhaugen, Tlf. 37017603/ Mob. 95754296
- Kjellaug Øvreås, Tlf. 37017599/ Mob. 92015559